Бишкек, 05.12.25. /Кабар/. Ала-Бука районунун Кажар айылында 75 орундуу жаңы бала бакча ачылды. Бул тууралуу президенттин Жалал-Абад облусундагы өкүлчүлүгүнөн билдиришти.
Бала бакчанын ачылыш аземине президенттин облустагы өкүлү Тилек Текебаев, район акими Руслан Айтбаев жана айыл тургундары катышты.
Мектепке чейинки билим берүү мекемеси Ала-Бука райондук өнүктүрүү фонду тарабынан каржыланып, жалпы сметалык баасы 36 млн 300 миң сомду түзгөн
Иш-чаранын алкагында облус башчысы Тилек Текебаев айыл тургундарын жаңы социалдык объекттин пайдаланууга берилиши менен куттуктап, алыскы айылда мындай бала бакчалардын ачылышы ата-энелер үчүн чоң колдоо болоорун белгиледи.
