Бишкек, 05.08.2025. /Кабар/. Ала-Бука районунда көп тармактуу айыл чарба кооперативинин базасында 450 тонналык мөмө-жемиш сактоочу жайдын курулуш иштери башталды.
Суу ресурстары, айыл чарба жана кайра иштетүү өнөр жайы министрлигинен билдиришкендей, учурда мөмө-жемиш кургатуучу жабдыктар сатып алынып, орнотулуучу жер даярдалууда.
Объектини куруу эки этап менен өтүп, биринчи этапта 300 тонналык эки мөмө-жемиш сактоочу жай курулган.
2025-жылга пландалган 450 тонналык (3 даана 150 тоннада холодильник) жана мөмө жемиш кургатуучу цехтин мөмө-жемишти жуучу жабдуусу (мойка) 850 миң сомго алынып, ишке берилгени турат.
Ошондой эле цех таңгактоочу жабдык жана мөмө-жемишти тоңдуруучу жабдуу менен камсыз болгон.
Эми алдыдагы планда сүттү кайра иштетип, курут жасоочу жабдык сатып алуу үчүн аракеттер көрүлүүдө.
