Бишкек, 22.09.25. /Кабар/. Бүгүн, 22-сентябрда Жогорку Кеңештин депутаты Азизбек Турсунбаев Жалал-Абад облусунун Ала-Бука жана Чаткал райондоруна иш сапар менен барды.
Парламенттен билдиришкендей, ал Ала-Бука районундагы Жаңы-Шаар жалпы орто билим берүү мектебинин мугалимдери менен жолугушту. Депутат Жогорку Кеңештин төрагасынын фондунун колдоосу менен мектепке компьютердик жабдууларды тапшырды.
Ошондой эле депутат Айры-Там айылындагы маданият үйүнө барып, маданият кызматкерлеринин коомдогу орду чоң экенин белгилеп, мекемеге музыкалык жабдууларды белек кылды.
Иш сапардын алкагында депутат Чаткал районундагы Ю.Гагарин, Сумсар орто мектептерине жана Мамытбек Алымкулов, Сумсар бала бакчаларына да барды.
