Бишкек, 09.12.25. /Кабар/. Ала-Бука районунун Ак-Там айылында "Агрофос" жаңы өндүрүш заводу ишке кирди. Бул тууралуу президенттин Жалал-Абад облусундагы өкүлчүлүгүнөн билдиришти.
Заводдун негизги максаты айыл чарбасы үчүн керектелүүчү минералдык жер семирткичтерди өндүрүү болуп саналат. Учурда заводдо 6 адам иш менен камсыз болуп, күнүнө 15 тоннага чейин продукция чыгаруу мүмкүнчүлүгүнө ээ.
Бүгүн президенттин өкүлү Тилек Текебаев заводдун иши менен таанышып, өзүнүн сунуш-пикирлерин билдирди. Мындан сырткары, облус башчысы өндүрүштүк жайдын мүмкүнчүлүктөрүн кеңейтүү боюнча керектүү жардамдар көрсөтүлөрүн белгиледи.
