Бишкек, 08.12.25. /Кабар/. Бүгүн, 8-декабрь саат 9:00дөн тартып Бишкек – Нарын – Торугарт жолунун Долон ашуусунда оор жүк ташуучу унаалардын өтүүсүнө убактылуу чектөө киргизилди.
Транспорт жана коммуникациялар министрлигинен билдиришкендей, буга чейин 7-декабрь саат 21:00дон тарта Бишкек - Ош жолунун Ала-Бел ашуусунда киргизилген убактылуу чектөө күчүндө.
Кошумча маалымат берилет.
Белгилей кетсек, учурда өлкөнүн көпчүлүк аймактарында кар жаап, жолдорду тазалоо иштери тынымсыз жүргүзүлүүдө.
