Бишкек 21.07.25 /Кабар/. Ала-Арча мамлекеттик жаратылыш паркынын коноктору эми Т.Океев атындагы "Кыргызфильм" улуттук киностудиясында тартылган тасмаларды акысыз көрө алышат. Бул тууралуу аталган киностудиядан кабарлашты.
Маалыматта белгиленгендей, кино тасмалар жайкы сезондун этегине чейин ар дем алыш күнү парктын амфитеатрында, саат 18:00дө көрсөтүлүп турат.
Долбоорду "Ала-Арча" паркынын администрациясы демилгелеп, "Кыргызфильм" киностудиясы жана "Айчүрөк" соода борборунун кинотеатры ишке ашырууда.
Ошондой эле “Көрсөтүүлөр боюнча толук маалымат алуу үчүн: @alaarchapark баракчасына катталыңыздар. Амфитеатр тоонун этегинде жайгашканына байланыштуу көрсөтүүгө барчу кино сүйүүчүлөргө жылуу кийинип алууну сунуштайбыз”-деп айтылат маалыматта.
