Бишкек, 26.02.25. /Кабар/. Кыргызстандын грек-рим күрөшү боюнча курама командасынын мүчөсү Акжол Махмудов Казакстандын Алматы шаарында Professional Wrestling League-8 (PWL-8) мелдешинде жеңүүчү болду.
Балбан 77 кг салмакта күрөшүп, атаандашы франциялык Ибрагим Ганемди 6:1 эсебинде жеңди.
Маалымат үчүн: Professional Wrestling League уюму 2022-жылы Россияда Poddubny Wrestling League деген ат менен түзүлгөн. Былтыр атын өзгөрткөн. Бул мелдеште балбандар бир беттеш өткөрүп, жеңүүчү аныкталат. Уюм түзүлгөндөн бери 7 жолу мелдеш уюштурулуп, алардын бири Бишкекте өткөн.
