Бишкек, 18.04.25. /Кабар/. “Акылман” президенттик лицейи 12 жылдык билим берүү системасына 2026-2027-окуу жылынан тарта өтөт. Бул тууралуу лицейдин директору Эмил Рыскулов билдирди.
Анын айтымында, лицей учурда 12 жылдык билим берүү системасына өтүүгө жигердүү даярдык көрүүдө.
“Аталган программа менен дүйнөнүн 100дөн ашуун алдыңкы өлкөлөрү билим берүүдө. Жаңы окуу программасы окуучулардын интеллектуалдык жана чыгармачылык потенциалын өнүктүрүүгө багытталган.
12 жылдык билим берүүгө өтүүдө коркууга негиз жок. Бул программа менен иштеп жаткан өлкөлөрдүн тажрыйбасын колдонуп, ага кыргыздын улуттук нарк-насилин, каада-салтын, үрп-адатын интеграциялап, билим берсек болот”,-деди ал.
