Бишкек, 27.10.26. /Кабар/. Кыргызстандык окуучу Нуралим Ильясов Россиянын Красноярск шаарында өткөн финансылык коопсуздук боюнча VI эл аралык олимпиадада байгелүү орунга ээ болду.
Агартуу министрлигинен билдиришкендей, олимпиада 27-сентябрдан 2-октябрга чейин өтүп, ага 45 өлкөдөн 700дөн ашык окуучу жана студент катышты.
Катышуучулар финансылык коопсуздук, экономика, укук жана маалыматтык коопсуздук багыттары боюнча билимдерин сынашты.
Олимпиаданын жыйынтыгында Кыргызстандын курама командасынын өкүлү, Келечектеги лидерлер академиясынын окуучусу Нуралим Ильясов "Финансылык коопсуздук" номинациясы боюнча байге ээлеринин катарына кирди.
