Бишкек, 23.09.25. /Кабар/. Бүгүн Аксы районунун Кара-Суу айылындагы Эркиналы Четинбаев атындагы №40 мектепке чейинки билим берүү уюму пайдаланууга берилди.
Райондук администрациядан маалымдашкандай,бул имарат 1989-жылы "Актилек" балдар бакчасы болуп салынып, кийин 1989-2003-жылы "Актилек" балдар бакчасы Э.Четинбаев атындагы башталгыч мектеби болуп аталган. 2005-2006-окуу жылында №58 Э.Четинбаев негизги орто мектеби болуп, ал эми 2006-2007-окуу жылында Э.Четинбаев атындагы жалпы билим берүүчү орто мектеп болгон.
Аталган орто мектептин эшик, терезе, чатырын алмаштыруу менен бала бакча кылып кайра түзүүгө дем берүүчү гранттардын эсебинин 2,7 млн сом, жергиликтүү бюджеттен 500 миң сом жалпы 3,2 млн сом акча каражаты жумшалды.
Эскерте кетсек, район аймагында 64 мектеп, 1 жеке менчик мектеп, 38 бала бакча, 1 жеке менчик бала бакча болгон болсо, бул бала бакча 40-болуп пайдаланууга берилди.
