Бишкек, 03.02.26. /Кабар/. АКШнын Түштүк жана Борбор Азия иштери боюнча атайын өкүлү - элчи Сержио Гор Кыргызстанга келет. Бул тууралуу президенттин басма сөз катчысы Аскат Алагөзов социалдык тармактагы баракчасына жазды.
"Сержио Гор кыргыз тараптын чакыруусу боюнча 3-февралдан 6-февралга чейин Кыргызстанда болот. Сапардын алкагында элчи Сержио Горду мамлекет башчысы Садыр Жапаров кабыл алат.
Ошондой эле атайын өкүл үстүбүздөгү жылдын 4-5-февралында Бишкек шаарында өтө турган "Борбор Азия менен АКШнын ортосундагы экономикалык кызматташтыкка көмөктөшүү" темасындагы "B5+1" экинчи диалог форумуна катышмакчы", - деп жазды Алагөзов.
