Бишкек, 12.06.25. /Кабар/. Ак-Талаада жолдорго асфальт төшөлүүдө.
Транспорт министрлигинен билдиришкендей, Нарын облусунун Ак-Талаа районундагы Баетов – Макмал унаа жолунун 22,5-27,5-чакырым аралыгында асфальт төшөө иштери жүрүүдө. Иштер «Кыргызавтожол-Түндүк» мамлекеттик ишканасынын № 15 Жол тейлөө ишканасы тарабынан жүргүзүлүп, азыркы тапта 1,5 чакырым жол жасалды.
Аны менен катар жер алдындагы суулардын тоскоолдуксуз өтүшүн камсыз кылуу максатында суу өткөрүүчү түтүкчөлөр да жаңыланып жатат.
