Бишкек, 02.04.25. /Кабар/. Ак-Суу районуна караштуу Теплоключенка айылында К. Досмамбеков атындагы балдар музыкалык мектебинин курулушу улантылууда. Бул тууралуу Курулуш, архитектура жана турак жай-коммуналдык чарба министрлигинен билдиришти.
Маалыматка ылайык, музыкалык мектеп республикалык бюджеттин эсебинен каржыланууда. Объекттин тендердик наркы 45 млн сомдон ашат.
Долбоорго ылайык, 120 орунга ылайыкталган жаңы музыкалык мектеп эки кабаттан турат, заманбап окуу класстары менен жабдуу каралган.
Бүгүнкү күндө курулуштун даярдык деңгээли 20% түзөт. Курулуш-монтаждоо иштеринин жүрүшүндөгү нормалардын жана коопсуздук талаптарынын сакталышын Турак жай-жарандык курулуш департаменти көзөмөлдөп турат.
