Бишкек, 26.06.25. /Кабар/. Суу ресурстары, айыл чарба жана кайра иштетүү өнөр жайы министрлиги 11 млн 612 миң 172 сомго 86 658 кг эспарцеттин үрөнүн сатып алды.
Ведомстводон маалымдашкандай, үрөн кунарсыз жайыттарды жакшыртуу максатында "Карина-Агро" айыл чарба кооперативинен сатып алынды.
Учурда министрликтин Айыл чарба өсүмдүктөрүн жана багбанчылыкты экспертизалоо боюнча департаменти тараптан эспарцеттин үрөндөрүнүн сапатын текшерүү үчүн үлгүлөр анализге алынды.
