Бишкек, 17.02.25. /Кабар/. Жалал-Абад, Ош, Баткен жана Талас облустарына жасалма уруктандырууда колдонулуучу суюк азот жеткирилди. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти.
Маалыматка ылайык, жасалма уруктандыруу өлкөнүн мал чарбасын сандан сапатка өткөрүүнү өнүктүрүү максатында жүргүзүлүүдө.
Белгилей кетсек, чарбада суюк азот жаныбарларды жасалма уруктандыруу үчүн колдонулган уруктарды эң төмөн температурада тирүү сактап туруу үчүн колдонулат.
