Бишкек, 27.01.25. /Кабар/. Алыскы аймактарда медициналык тейлөөнү жакшыртуу үчүн санариптик саламаттыкты сактоо технологиялары киргизилүүдө.
Ведомстводон билдиришкендей, министрлер кабинетинин төрагасынын биринчи орун басары Данияр Амангелдиев, саламаттык сактоо министри Алымкадыр Бейшеналиев баштаган Кыргызстандын делегациясы Москвага расмий иш сапары менен барды.
Иш сапардын алкагында санариптик медицина тармагында алдыңкы чечимдерди иштеп чыгуучу SberMedAI компаниясынын өкүлдөрү менен жолугушуу болду.
Сүйлөшүүлөрдүн жыйынтыгында Кыргызстанда компакттуу медициналык комплекстерди – «Санарип ФАПтарды» киргизүү чечими кабыл алынды.
Маалымат үчүн: Бул приборлор заманбап диагностикалык жабдуулар, анын ичинде электрокардиографтар, пульсоксиметрлери, кан жана заара анализаторлору, ошондой эле алгачкы диагностика үчүн башка аспаптар менен жабдылган көчмө кейс.
