Бишкек, 29.05.25 /Кабар/. Айгүл-Таш-Согмент-Таян жолуна асфальт төшөө иштери башталды.
Президенттин Баткен облусундагы өкүлчүлүгүнөн билдиришкендей, облус башчысы Айбек Шаменов аталган жолдун курулуш иштеринен кабар алып, айыл аксакалдарынын катышуусунда жолду асфальтоого старт берилди.
Жолдун жалпы узундугу 24 чакырым. Быйылкы жылдын эсебинен республикалык бюджеттен каржыланып, жолдун 5 чакырым аралыгына асфальт төшөлүүдө.
Айгүл-Таш-Согмент-Таян жолун Баткен районунун Алтын-Бешик, Суу-Башы,Кара-Бак айыл аймактарынын жалпы 15 айылынын тургундары пайдаланат.
