Бишкек, 21.08.26 /Кабар/. “Айчүрөк” соода борборунун жанындагы фонтан калыбына келтирилүүдө.
Учурда мурдагы фонтандын жанында орнотулган аттар кайра коюлган. Буга чейин аргымактардын түсү кара-күрөң болсо, мында алар алтын түскө боёлуп, жаңыртылганын көрүүгө болот.
Эске салсак, былтыр соода борборунун айланасында курулуш иштери башталганда жарандар фонтанды кайра ордуна коюу тууралуу пикирлерин билдиришкен.
Өз кезегинде Бишкек шаарынын мэриясы ишкерлерге аймакты көрктөндүрүү жана фонтан аймагын реконструкциялоо иштерин жүргүзүү тапшырмасын койгон.
