Бишкек 02.07.25 /Кабар/. Күн мурун Бишкек шаарынын мэри Айбек Жунушалиев «Новопавловка» МАБнын аймагындагы Алтын-Ордо конушунун жашоочулары менен жолугушту.
Муниципалитеттен билдиришкендей, жыйындын жүрүшүндө тургундар аларды түйшөлткөн маселелер - мектеп, бала бакчанын курулушу, жолдорду оңдоо, коомдук транспорт, ошондой эле таза суу жана канализация маселелерин көтөрүштү.
Калаа башчысы шаардыктар тарабынан көтөрүлгөн маселелердин баарын карап чыгууну тиешелүү шаардык кызматтарга тапшырып, райондун тургундарына дагы бир жолу барарын белгиледи. Маселелердин чечилишин көзөмөлдөө Ленин районунун акимине тапшырылды.
"Өз кезегинде райондун тургундары Бишкек шаарынын мэрине колдоо көрсөтүп, социалдык маанилүү маселелерди чечкени үчүн ыраазычылыктарын билдиришти",-деп айтылат маалыматта.
