Бишкек, 21.08.25. /Кабар/. Президенттин Баткен облусундагы өкүлү Айбек Шаменов Лейлек районунун Бешкент айылында "Келечек" атындагы орто мектебинен кабар алды.
Өкүлчүлүктөн билдиришкендей, облус башчысы жаңы мектептин балдарды кабыл алууга даярдыгын текшерип, керектүү бардык шарттарды түзүү, айрым кемчиликтерди кыска аралыкта жоюу тапшырмаларын берди.
Жаңыдан курулган мектеп 500 окуучуга ылайыкташкан. Мектепте кыргыз жана өзбек тилинде билим берилет. Аталган билим берүү мекемесин 1-сентябрга карата пайдаланууга берүү күтүлүүдө.
Белгиленгендей, буга чейин 1939-жылы курулган эски мектепте 1000 бала билим алып келген.
