Бишкек, 26.07.25. /Кабар/. Ала-Арча жаратылыш паркында уникалдуу туристтик жай түзүлүүдө, мында A-frame үйлөрү, асма жол, бассейн, куполдор жана заманбап мейманкана курулууда. Бул тууралуу президенттин Иш башкармалыгынан билдиришти.
Бүгүн Иш башкармалыктын башчысы Каныбек Туманбаев курулуш жүрүп жаткан жерге барып, абал менен таанышып чыкты. Ал бардык иштерди сапаттуу бүтүрүп, объектти жыл аягына чейин толук пайдаланууга берүүнү талап кылды.
Объект пайдаланууга берилгенден келген коноктор асма жол аркылуу бийиктикке чыгып, укмуштуу пейзажды көрө алышат. Табият койнундагы жайлуу үйлөрдө эс алып, чыныгы жаратылыш менен жакын болуу мүмкүнчүлүгү жаралат.
Бул — өлкөбүздөгү эң кооз эс алуу жайларынын бирине айланары шексиз", - деди Туманбаева.
