Бишкек, 03.08.26. /Кабар/. Кыргызгидромет кызматы бүгүн, 3-августка карата күтүлгөн аба ырайы тууралуу маалымат таратты.
Ага ылайык, бүгүн Ысык-Көл жана Нарын облустарынын айрым жерлеринде, Ош, Жалал-Абад облустарынын тоолуу райондорунда өткүн өтүп, күн күркүрөйт.
Абанын температурасы Чүй облусунда +34...+39, Ош, Жалал-Абад, Баткен облустарында +34...+39, Талас облусунда +30...+35, Ысык-Көл облусунда +28...+33, Нарын облусунда+29...+34 градус болушу күтүлөт.
Ал эми Бишкек шаарында абанын табы +37...+39 градуска жетет.
