Бишкек, 22.08.25. /Кабар/. 29-августта борбор калаанын бир бөлүгүндө суу өчүрүлөт.
Муниципалитеттен билдиришкендей, 29-августта саат 10:00дөн 22:00гө чейин Л.Толстой көчөсү – Асаналиева көчөсү – Фучика көчөсү – темир жол линиясы – Садырбаев көчөсү менен чектелген аймакта суу болбойт.
Суу Л.Толстой көчөсүндөгү диаметри 200 мм суу түтүктөрүн кайра туташтырууга байланыштуу өчүрүлмөкчү.
Бишкек мэриясы келтирилген ыңгайсыздыктар үчүн кечирим сурайт жана мекеме-уюмдарды жана калкты ичүүчү сууну алдын ала камдап алууну суранат.
