Бишкек, 12.11.25 /Кабар. Баткен облусунун Лейлек районундагы Булак-Башы айылында “Мега Газоблок” ишканасы курулууда.
Президенттин Баткен облусундагы өкүлчүлүгүнөн билдиришкендей, облус башчысы Айбек Шаменов аталган ишкананын курулушунан кабар алды.
Жеке ишкер бул өндүрүштүк обьектисине 12 млн доллар инвестиция салган.
Ири заводдун курулушун 2025-жылдын 1-декабрына чейин бүткөрүү пландалган. Ишкана ишке кирсе, суткасына 2000 даана газоблок өндүрүү мүмкүнчүлүгү түзүлөт.
Болжол менен 150 адам жумуш менен камсыз болот.
Курулуш материалын өндүргөн ишкана, сырьёну аталган аймактан алат. Аймакта газоблок үчүн керектелүүчү ак кумдун чоң көлөмдөгү запасы бар. Адистер анын жогорку сапатын белгилеп келет.
