Бишкек, 21.02.25. /Кабар/. Жайында Бишкекте 1 миллион 600 миңге жакын бир жылдык гүл гүлдөйт, анын ичинде сальвия, кинерария, пеларгония, катарантус, агератум жана башка көптөгөн гүлдөр.
Мэриянын маалыматына караганда, «Бишкекжашылкурулуш» муниципалдык ишканасында бир жылдык гүлдөрдү себүү жана көчүрүү иштери кызуу уланууда.
Бул процесс шаардын гүлдөө программасынын ийгилиги үчүн зарыл болгон бир нече негизги кадамдарды камтыйт.
Биринчиден, уруктар оптималдуу шарттарда өнүп чыккан атайын топуракка себилет. Алгачкы бутактары пайда болгондон кийин, көчөттөрү атайын чөйчөкчөлөргө отургузуу этабы башталат. Бул алардын тамыр системасын өстүрүү жана өнүктүрүү үчүн жетиштүү мейкиндикке ээ болууга мүмкүндүк берет. Кийинчерээк, керектүү өлчөмдөргө жеткенден кийин, өсүмдүктөр ачык жерге көчүрүлүп, шаардын гүлзарларын кооздойт.
