Бишкек, 29.03.25. /Кабар/. Кыргызстанда 2025-жылдын үч айына жетпеген убакытта айдоочулук күбөлүк 2024-жылдын ушул мезгилине салыштырмалуу 39%га көп берилген. Бул тууралуу Транспорт каражаттарын жана айдоочулук курамды каттоо боюнча мамлекеттик агенттиктин директору Улан Карыпбеков "Кабар" агенттигине берген маегинде билдирди.
Анын айтымында, 1-январдан 24-мартка чейин жалпысынан 17 миң 905 жаңы айдоочулук күбөлүк берилсе, 2024-жылдын ушул эле мезгилинде 12 миң 876 күбөлүк берилген. Калыбына келтирилген, же алмаштырылган укуктардын саны да 59%га көбөйүп, 2024-жылдагы 12 миң 714төн быйыл 20 миң 205ке жеткен.
"Айдоочулук күбөлүктөрдү берүүнүн өсүшү жаңы күбөлүктөргө суроо-талаптын көбөйүшү жана айдоочулук күбөлүктөрдү алуу же узартууну каалаган жарандардын санынын көбөйүшү менен байланыштуу болушу мүмкүн", - дейт Улан Карыпбеков.
Мыйзамдардагы акыркы өзгөртүүлөр да бул көрсөткүчтөргө таасирин тийгизиши мүмкүн. Ошентип, 2023-жылдын мартында мас абалында унаа башкарганы үчүн жаза катаалданган – айдоочулар бир жылга лицензиясынан ажыратыла баштаган. Бирок 2024-жылдын октябрь айында парламент мас абалында унаа айдоо укугунан ажыратуу менен алмаштырууну чоң айып менен алмаштырууну сунуштаган.
Кошумчалай кетсек, 2024-жылдын декабрынан тарта айдоочулук күбөлүк алуу үчүн теориялык экзаменге сурдокотормо киргизилди, бул угуусу начар адамдар үчүн процессти бир топ жөнөкөйлөттү.
"Экономикалык жана социалдык өзгөрүүлөр, мисалы, өлкөдөгү каржылык абалдын жакшырышы жана калктын кирешесинин көбөйүшү да адамдарды айдоочулук күбөлүк алууга түрткү бериши мүмкүн", - деп белгиледи Улан Карыпбеков.
