Бишкек, 28.07.26 /Кабар/. Ош шаарында чет өлкөлүк эмгек мигранттарына Кыргыз Республикасынын аймагында мыйзамдуу эмгектенүүнүн тартиби боюнча маалыматтык-түшүндүрүү иштери жүргүзүлдү.
Муниципалитеттин маалыматына ылайык, иш-чаранын жүрүшүндө жумуш визасы, эмгек патенти, убактылуу каттоо, эмгек келишими жана башка уруксат берүүчү документтерди мыйзам талаптарына ылайык тариздөө боюнча маалымат берилди.
Ошондой эле миграциялык мыйзамдарды сактоо, каттоодон өтүү тартиби, салык жана социалдык камсыздандыруу маселелери, эмгек укуктары жана милдеттери тууралуу түшүндүрмөлөр берилип, катышуучулардын суроолоруна жооптор айтылды.
