Бишкек, 19.02.26. /Кабар/. Бүгүн президенттин Ош облусундагы өкүлүнүн аппаратынын жыйындар залында УКМКнын Ош шаары жана Ош облусу боюнча башкармалыгына жаңы дайындалган жетекчи Жоомарт Токтогулов тааныштырылды. Бул тууралуу президенттин аймактагы өкүлчүлүгүнөн билдиришти.
Маалыматка ылайык, аны облустук мекеме-ишканалардын жетекчилерине УКМК төрагасынын орун басары Алишер Эрбаев тааныштырды.
Иш-чарага президенттин өкүлү Аманкан Кенжебаев катышып, ал өз сөзүндө аймактарда мамлекеттик саясатты натыйжалуу ишке ашырууда, ошондой эле президенттин тапшырмаларын так жана өз убагында аткарууда биргеликте иш алып баруу зарылдыгын баса белгиледи.
Белгилей кетсек, бул кызматты аркалап келген Салмоор Жумабеков 16-февралда кызматтан алынганы маалым болгон.
