Бишкек, 26.06.26. /Кабар/. Президент Садыр Жапаров Ак-Талаа районунун тургундары менен жолукканда жергиликтүү тургун жол салуу иштери жай жүрүп жатканын айтып, тиешелүү көзөмөл жүргүзүүнү суранды.
"Баетов – Нарын жолунда эки фирма иштеп жатат. Эл жакшы баа берип жатат. Нарындан бери жол салган фирманы Транспорт министри көзөмөлгө алып койсунчу. Биз эки-үч күндө бир барып жатабыз. Жолдун катмарын сыйрып салып эле кетип жатат, асфальт басуу иштери жок. Машиналар талкаланып жатат", — деди ал.
Мамлекет башчысы министрге элдин талабын эске алууну тапшырды. Ошондой эле мындан ары жолду Транспорт жана коммуникациялар министрлиги өзү салып баштарын, жалпысынан 1500 техника сатылып берилгенин белгиледи.
