Бишкек, 05.02.25. /Кабар/. Жети-Өгүз районунун Кичи-Жаргылчак айылына 100 орундуу заманбап бала бакча курулууда.
Архитектура, курулуш жана турак жай-коммуналдык чарба мамлекеттик агенттигинен билдиришкендей, долбоор республикалык бюджеттин эсебинен каржыланууда. Тендердик баасы 74 млн сомду түзөт.
Жаңы бала бакча эки кабаттан туруп, жалпы аянты 873 чарчы метрди түзөт.
Долбоордо тайпалык окуу класстары, оюн жана уктоо бөлмөлөрү, ашкана, дарыгердин кабинети, кабылдама, ошондой эле көрктөндүрүлгөн оюн аянтчасы каралган.
Учурда объекттин курулуш иштери 60 пайызга бүткөрүлдү.
