Бишкек, 14.03.25. /Кабар/. “Жашыл Мурас” улуттук долбоорунун алкагында жашылдандыруу жана көрктөндүрүү иштери уланууда.
Транспорт министрлигинен билдиришкендей, 13-март күнү №31 Жол тейлөө ишканасы тарабынан Жалал-Абад-Казарман унаа жолунун 39-40-чакырымына көчөт отургузуу иштери аткарылды. Ошондой эле Ноокат-Папан автожолунун 6-7-чакырым аралыгына карагай көчөттөрү отургузулду.
Белгилей кетсек, ушул күндөрү “Жашыл Мурас” улуттук өнөктүгүнүн алкагында жол жээгин жашылдандыруу иштери башка аймактарда жүргүзүлүп, жолчулар тарабынан көчөттөр тигилүүдө.
