Бишкек, 10.04.26 /Кабар/. 10-11-апрелде Бакен Кыдыкеева атындагы Жаш көрүүчүлөр театрында "Сүйөм! Бирок..." поэтикалык монодрамасынын премьерасы өтөт. Бул тууралуу Жазуучулар союзунан билдиришти.
Маалыматка ылайык, бул эксперименталдык спектаклдин негизги максаты — поэзияны драматургия аркылуу көрүүчүгө жеткирүү.
Чыгарма Кыял Таажынын калемине таандык. Спектаклдин режиссёру Эркин Эгембердиев, композитору Нурбек Болотбеков. Башкы ролду Айнура Акылбекова аткарат.
Спектаклдин башталышы саат 19:00дө.
"Бул спектаклде сүйүү туурасындагы башка авторлорго таандык ырлар да колдонулат. Поэзияны коомдун бардык катмары окуй бербейт. Бирок театр аркылуу ар бир адам поэзияны сүйүп калышы мүмкүн деген аракеттебиз", - деп айтылат маалыматта.
