Бишкек, 04.10.25. /Кабар/. Саламаттыкты сактоо министрлиги сасык тумоо жана курч респиратордук вирустук инфекциялардын (КРВИ) алдын алуу үчүн жарандарга жөнөкөй эрежелерди сактоону эскертти.
Атап айтканда, дарыгерлер төмөнкү эрежелерди сактоону сунуштайт:
- жөтөлгөндө жана чүчкүргөндө оозуңузду жана мурунду салфетка же чыканактын ички бөлүгү менен жабуу;
- организмди суукка же ашыкча ысыкка алдырбоо;
- өзүңүздү начар сезсеңиз же сасык тумоонун белгилери байкалса — үйдө калуу;
- санитардык-гигиеналык эрежелерди сактоо: колду дайыма жууп туруу, бөлмөлөрдү үзгүлтүксүз желдетүү, нымдуу тазалоо жүргүзүү ж.б.;
- окуу жана эс алуу режимин сактоо: таза абада сейилдөө, жетиштүү уйку жана туура тамактануу;
- таңкы көнүгүү жасап, дене тарбия менен машыгуу;
- бала ооруп калса — толук айыкканга чейин мектепке же бала бакчага жибербөө жана үй-бүлөлүк дарыгерге кайрылуу;
- эл көп жерде беткап тагуу жана социалдык аралыкты сактоо.
КРВИ жана сасык тумоонун белгилери пайда болгондо өз алдынча дарыланбастан, катталган жери боюнча үй-бүлөлүк дарыгерге кайрылуу сунушталат.
