Бишкек, 05.03.25. /Кабар/. Күн мурун Жалал-Абад облусунун аймагында жайгашкан ооруканалардын өрт коопсуздугу текшерилди.
Өзгөчө кырдаалдар министрлигинен билдиришкендей, өрттү көзөмөлдөө боюнча кызматынын облустук бөлүмүнүн инспекторлору жана Жалал-Абад шаары боюнча ӨКБнүн офицерлери Кан борбору жана Түштүк аймактык жүрөк кан-тамыр хирургиялык илимий борборун текшеришти.
Аталган ооруканалардын өрт коопсуздугунун талаптары аткарылышы текшерилип, кемчиликтер бар экендиги аныкталган. Оорукана жетекчилигине 30 күн ичинде коопсуздук эрежелерине ылайык, кемчиликтерди калыбына келтирүүгө эскертүү жазуу түрүндө берилди.
Жалал-Абад облусунда жайгашкан Саламаттык сактоо министрлигине караштуу мекемелердин баары 28-мартка чейин текшерүүгө алынат. Берилген эскертүүлөр өз мөөнөтүндө аткарылбаса, Кырыгыз Республикасынын Укук бузуулар кодексинин 143/434-беренелеринин негизинде айып пул салуу каралат.
