Бишкек, 12.03.25. /Кабар/. Күн мурун Жалал-Абадда ВИЧ, вирустук гепатит оорусунун алдын алуу боюнча рейд өттү.
Шаардык муниципалитеттен билдиришкендей, рейддин алкагында Жалал-Абад шаарынын мэриясынын, санитардык-эпидемиологиялык көзөмөлдөө борборунун кызматкерлеринен жана шаардык кеңештин депутаттарынан турган комиссия курамы шаар аймагындагы жеке менчик медицина борборлорун, стоматологиялык кабинеттерди, ийне саюучу жайлардын, сулуулук салондордун медициналык жана санитардик абалын текшерди.
Иш-чаранын жүрүшүндө эреже бузгандарга түшүндүрүү иштери жүргүзүлүп, санитардык көрсөтмөлөр берилди. Ошондой эле, коюлган талаптар аткарылбаса, айып пул салынары эскертилди.
