Бишкек, 11.02.25. /Кабар/. Жалал-Абад шаарынын аймагында жаңы курулуп жаткан курулуштардын, көп кабаттуу турак үйлөрдүн, мыйзамсыз күйүүчү майлоочу заттарды сатуучу жана сактоочу жайлардын ээлерине өрт кырсыктарынын алдын алуу жана болтурбоо тууралуу түшүндүрүү иштери жүргүзүлүүдө.
Өөгөчө кырдаалдар министрлигинен билдиришкендей, Жалал-Абад шаары боюнча өзгөчө кырдаалдар бөлүмүнүн кызматкерлери менен Өрттү көзөмөлдөө кызматынын инспекторлорунун биргелешкен түшүндүрүү иштери бекитилген атайын иш-пландарына ылайык өткөрүлүүдө.
"Иш-чаранын жүрүшүндө ар бир аймак тыкыр көзөмөлгө алынып, өрт коопсуздук эрежелерин бузуулар, эскертүүлөргө көнүл бурулбаган жагдайлар боюнча тиешелүү тараптарга маалымат жеткирилип, эскертүү нускамалары таратылды",-деп айтылат маалыматта.
Белгилей кетсек, мындай иш-чаралар өзгөчө кырдаалдардын алдын алып, өрт кырсыгын болтурбоого багытталат.
