Бишкек, 13.08.26. /Кабар/. Жалал-Абад шаарындагы билим берүү мекемелеринин 2026-2027-окуу жылына даярдыгы жана коопсуздук шарттары текшерилди. Текшерүү Билим берүү жана илим кызматкерлеринин кесиптик бирлигинин борбордук комитетинин иш планына ылайык жүргүзүлдү.
Мекеменин маалыматына караганда, текшерүүдө билим берүү мекемелериндеги оңдоп-түзөө иштеринин жүрүшүнө, эмгекти коргоо жана коопсуздук эрежелеринин сакталышына, окуу кабинеттеринин, имараттардын жана айланасындагы аймактардын даярдыгына, ошондой эле санитардык-гигиеналык талаптардын аткарылышына көңүл бурулду.
Жыйынтыгында айрым маселелер боюнча тиешелүү сунуштамалар берилип, даярдык иштерин белгиленген графикке ылайык өз убагында бүткөрүү зарылдыгы айтылды.
Белгиленгендей, билим берүү мекемелериндеги даярдык иштерин толук аяктоо 1-сентябрга пландалууда.
