Бишкек, 29.01.26. /Кабар/. Күн мурун Агартуу министрлигинде балдар бакчаларын өнүктүрүү маселелерине арналган тегерек стол өттү. Бул тууралуу ведомстводон билдиришти.
Жыйында мектепке чейинки билим берүүнүн жаңы мамлекеттик стандарттарына ылайык иштелип чыккан аралыктан окутуу жана "Балалык" онлайн-курстарынын долбоорлору тааныштырылды.
Программанын өзгөчөлүгү тарбиячылардын негизги компетенцияларын өнүктүрүүгө багытталып, анын ичинде STEM-билим берүү, дифференцияланган окутуу жана "Балалык" программасы боюнча методикалык сунуштар камтылганы айтылды.
Маалым болгондой, иштелип чыккан курс мындан ары эксперттер менен талкууланып, педагогдорду аралыктан окутуу үчүн Республикалык педагогдордун квалификациясын жогорулатуу жана кайра даярдоо институтуна өткөрүлөт.
