Бишкек, 08.09.26. /Кабар/. Өзгөчө кырдаалдар министрлигинин Суучулдар кызматы Чолпон-Ата шаарындагы муниципалдык пляжда көл түбүн тазалоо иштерин жүргүздү.
Мекемеден билдиришкендей, тазалоо учурунда суучулдар көлдүн түбүнөн ар кандай таштандыларды чыгарып, жалпысынан 700 кг таштанды тазаланган.
"Иш-чара Ысык-Көлдүн экологиялык абалын жакшыртуу, суу алдындагы аймактарды тазалоо жана эс алуучулар үчүн коопсуз шарттарды түзүү максатында жүргүзүлүүдө", - деп айтылат маалыматта.
Суучулдар кызматы тарабынан көлдүн акваториясында тазалыкты сактоо жана коопсуздукту камсыз кылуу боюнча иштер мындан ары да улантылат.
