Бишкек, 03.08.26. /Кабар/. Ысык-Көлдүн түштүк жээгиндеги Бөкөнбаев айылында жыл сайын өтүүчү "Салбуурун" этнофестивалга быйыл 150дөн ашык чет элдик турист катышты.
Фестивалдын уюштуруучуларынын маалыматына караганда, келген коноктордун болжол менен 40 пайызы сапарын дал ушул иш-чарага ылайыктап, билеттерин бир нече ай мурда эле сатып алышкан.
Фестивалда бүркүтчүлөрдүн таймашы, жаа атуу, кыргыз тайганынын асыл тукумун сактоо жана көчмөндөрдүн маданий мурастары көрсөтүлдү. Быйылкы өзгөчөлүктөрдүн бири катары катышуучулар көмөкөй ырдоо өнөрүн да тартуулашты.
Уюштуруучулар "Салбуурун" көчмөндөрдүн тарыхын, маданиятын жана каада-салтын даңазалаган уникалдуу фестиваль экенин белгилеп, ал келечекте Кыргызстандын туристтик бренддеринин бирине айланышы мүмкүн экенин айтышты.
