Бишкек, 30.07.26 /Кабар/.Ысык-Көл облусунда сүрөтчүлөрдүн “Чыгыштын күнөстүү палитрасы” аталышындагы эл аралык көчмө пленэри өттү.
Маданият, маалымат жана жаштар саясаты министрлигинен билдиришкендей, бул иш-чарага Россия, Беларусь, Грузия, Азербайжан, Өзбекстан, Армения, Тажикстан, Түркмөнстан жана Кыргызстандын алдыңкы көркөм окуу жайларынын сүрөтчүлөрү, окутуучулары жана студенттери катышты.
Алар Ысык-Көлдүн кооз жаратылыш аймактарында жана тарыхый жайларында болуп, кыргыз элинин маданияты жана көчмөн цивилизациясы менен таанышты. Ошондой эле Кыргызстандын жаратылышын, тарыхый жайларын жана улуттук өзгөчөлүктөрүн чагылдырган 400дөн сүрөт тартышты.
Пленэрдин программасына чыгармачылык иштерден тышкары лекциялар, көркөм окуу жайлардын презентациялары, чыгармачылык жолугушуулар жана кесиптик талкуулар кирди.
