Бишкек, 25.08.25. /Кабар/. Ысык-Көлдө шамал агызып кеткен 4 жаран куткарылды. Бул тууралуу Өзгөчө кырдаалдар министрлигинен билдиришти.
Маалыматка ылайык, Бактуу-Дөлөнөтү айылындагы пансионаттарынын биринде желим кайык менен жүргөн 4 адамды шамал агызып кеткендиги тууралуу маалымат түшкөн.
Жерине ыкчам түрдө 4 куткаруучу 1 моторлуу кайык менен барып, аларды аман-эсен куткарышкан.
Жарандардын абалдары туруктуу.
