Бишкек 11.06.25 /Кабар/. Ысык-Атада сарайдан өрт чыгып, 18 баш бука күйүп кетти
Өзгөчө кырдаалдар министрлигинен билдиришкендей, Чүй облусунун Ысык-Ата районундагы Бирдик айылында күн мурун, 10-июнда мал фермадан ири өрт чыгып, өрттү өчүрүүгө 2 күжүрмөн эсеп тартылган.
Тилсиз жоонун кесепетинен жалпы аянты 500 чарчы метр болгон сарай жана үстүндө жыйылган 2000 түк чөп, сарайда байлоодо турган 18 баш бука күйүп кеткен. Ал эми 15 баш бука сакталып калган.
Өрттүн себеби такталууда.
