Бишкек, 18.09.25. /Кабар/. Япониянын элчилиги Покровкадагы социалдык стационардык мекеменисинин кызмат алуучуларынын шарттарын жакшыртууга колдоо көрсөттү. Бул тууралуу Эмгек, социалдык касыздоо жана миграция министрлигинен билдиришти.
Маалыматка ылайык, бүгүн Япониянын Кыргызстандагы элчилиги менен Покровкадагы аралаш психоневрологиялык социалдык стационардык мекемесинин ортосунда кол коюлган гранттык контракттын негизинде "Покров ССМнин жашоо жана медициналык тейлөөнүн шарттарын жакшыртуу" долбоору ийгиликтүү жыйынтыкталды.
Долбоор "Чөптөрдүн тамыры жана адамдын коопсуздугу" программасынын алкагында ишке ашырылды.
Долбоордун алкагында мекеме кир жуугуч машина, камыр жууруучу аппарат, нан бышыруучу меш, кыска толкундуу терапия аппараты, стоматологиялык жабдуулар жана медициналык кызмат унаасы сыяктуу керектүү жабдуулар менен камсыздалды.
Жабдууларды расмий тапшыруу аземи эмгек министринин орун басары Айнура Орозбаева, Япониянын элчиси Года Хидэки, жергиликтүү мамлекеттик администрациянын өкүлдөрүнүн катышуусунда өттү.
