Бишкек, 05.11.25 /Кабар/. Якутиянын түндүк-чыгышындагы алыскы райондо 5,7 баллдык жер титирөө катталды. Бул тууралуу маалымат Европалык – Жер Ортолук деңиз сейсмологиялык борборуна таянып, ТАСС билдирди.
Жер титирөөнүн очогу Белая Гора айылынан болжол менен 165 чакырым түштүк-батышта жана Якутскиден 881 чакырым түндүк-чыгышта жайгашкан. Ал эми тереңдиги болжол менен 12 чакырым деп аныкталды.
Азырынча кыйроолор же жабыркагандар тууралуу маалымат түшө элек.
Белгилей кетсек, Белая Гора айылынын калкы 2,3 миңдей адамды түзөт.
