Бишкек, 07.02.25. /Кабар/. Мамлекеттик гимндин текстинин жана музыкасынын жаңы редакциясына мыкты долбоорлорду тандоо сынагына ведомстволор аралык комиссиянын мүчөлөрү катыша албайт. Бул тууралуу мамлекеттик катчы, комиссиянын төрагасы Сүйүнбек Касмамбетов билдирди.
Сүйүнбек Касмамбетов белгилегендей, сынакка композиторлор, акындар, музыканттар, обончулар, автордук жамааттар катыша алат.
"Бирок ведомстволор аралык комиссиянын курамына кирген адамдар сынактын катышуучусу боло албайт", - деди ал.
Белгилей кетсек, комиссиянын курамына композитор, акын, жазуучулар, Жогорку Кеңештин депутаттары жана коомчулуктун өкүлдөрү кирген.
