Бишкек, 20.02.25. /Кабар/. Ultimate Fighting Championship кыргызстандык Валентина Шевченко ким менен беттеше турганын жарыялады.
UFCнин басма сөз кызматы кыз-келиндер арасындагы жеңил салмактагы чемпион Валентина Шевченко сегиз бурчтукта франциялык Манон Фиоро менен беттешерин билдирди.
Беттеш 2025-жылдын 10-майында UFC 315 турниринин алкагында өтөт.
Эске салсак, Шевченко акыркы беттешин 2024-жылдын 14-сентябрында өткөрүп, анда италиялык Алекса Грассону жеңип, чемпиондук курга ээ болгон.
