Бишкек, 02.05.26. /Кабар/. Министрлер кабинетинин төрагасынын орун басары Улан Маматканов Ысык-Көл облусуна болгон иш сапарынын алкагында облустагы бир катар социалдык объектилер менен таанышты.
Ал алгач Балыкчы шаарындагы Ысык-Көл индустриалдык-педагогикалык колледжинде болду. Колледждин окуу процесси заманбап технологияларды, анын ичинде санариптик платформаларды, интерактивдүү окутуу ыкмаларын жана практикага багытталган мамилени колдонот.
Андан соң Улан Маматканов Ысык-Көл облустук бириккен ооруканасынын 100 орундуу Ак-Суу реабилитациялык бөлүмүнүн ишмердүүлүгү менен таанышты. Мында жылына 2400-2500 бейтапты, анын ичинде церебралдык шал оорусу менен жабыркаган 1700гө жакын балдарды дарылайт. Жаңы имараттарды куруу жана негизги имаратты капиталдык оңдоо 2026-жылы башталган.
Ошондой эле Ак-Суудагы аялдардын психоневрологиялык социалдык мекемесине барып, бейтаптардын жашоо жана дарылоо шарттары менен таанышты. Текшерүүнүн жыйынтыгында бир катар тапшырмалар берилди.
Каракол шаарында Улан Маматканов Касым Тыныстанов атындагы Ысык-Көл мамлекеттик университетинде болуп, андагы оңдоо иштери жана окуу-тарбия иштери менен таанышты. Университетте 6000ден ашуун студент бар, окуу процессин 17 бөлүм камсыздайт жана 250дөн ашык окутуу билим берет.
Иш сапардын жыйынтыгында тийиштүү мамлекеттик органдарга бир катар тапшырмалар берилди, анын ичинде саламаттык сактоо жана билим берүү объектилерин модернизациялоо боюнча долбоорлорду өз убагында ишке ашырууну камсыздоо, ошондой эле курулуш жана оңдоо иштеринин сапатына жана мөөнөтүнө көзөмөлдү күчөтүү.
Өзгөчө көңүл медициналык кызматтардын жеткиликтүүлүгүн жогорулатууга, реабилитациялык инфраструктураны өнүктүрүүгө, заманбап билим берүү шарттарын түзүүгө бурулду.
