Бишкек, 22.09.25. /Кабар/. Түштүк Кореянын мурдагы президенти Юн Сок Ёль камактан бошотулуп, сотко кепилдик негизинде бошотуу өтүнүчү менен кайрылды. Бул тууралуу ТАСС агенттиги кабарлады.
Юн Сок Ёль өз кайрылуусунда бул чечимин соттук коргонуу стратегиясын даярдоо жана ден соолугунун абалы менен түшүндүргөн.
Белгилей кетсек, Кореянын экс-президенти Юн Сок Ёль 19-сентябрда кызмат абалынан кыянаттык менен пайдалануу жана мамлекеттик бийлик органдарына тоскоолдук кылуу боюнча иштерди караган Сеулдун борбордук райондук сотуна кайрылган. Түштүк кореялык басылмалардын маалыматына караганда, 2025-жылдын январь айында Юн Сок Ёль президенттик коопсуздук кызматына өзүнүн камалышына жол бербөө жөнүндө тапшырма берген.
«Кепилдик менен бошотуу боюнча соттук угуу күнү азырынча белгилене элек. Юн Сок Ёль 10-июлдан бери камакта. Ал 2024-жылдын 3-декабрында аскердик абал маалындагы окуяларга байланыштуу козголоң уюштурган деген айып менен кармалган. 2025-жылдын апрелинде Конституциялык сот аны өкмөт башчылык кызматтан расмий түрдө четтеткен», — деп айтылат маалыматта.
