Бишкек, 22.02.25. /Кабар/. Бишкек шаардык Транспорт департаментинин башкы адиси пара алуу фактысы боюнча кармалды.
УКМКдан билдиришкендей, 18-февралда А.Т.Т. аттуу кызматкер 60 миң сом алып жаткан жеринен кармалган. Тергөөнүн жүрүшүндө аныкталгандай, ал көзөмөлдөөчү органдардын текшерүүсү аркылуу коркутуу менен акча талап кылган.
Ошондой эле, өзүнүн кызматтык ыйгарым укуктарынын чегинен чыккан ар кандай маселелерди чечүүгө көмөк көрсөтүү үчүн жарандан бир нече жолу пара алганы аныкталган.
Бул факты боюнча кылмыш иши козголуп, ал 19-апрелге чейин №1 тергөө абагына киргизилди.
Эске салсак, УКМК кызмат адамдарынын арасындагы коррупциялык кылмыштарды аныктоо жана бөгөт коюу боюнча активдүү иштерди улантууда.
